തിരുവനന്തപുരം: നിയമസഭയെ ഡിജിറ്റലാക്കുന്നതിനുള്ള ‘ഇ-നിയമസഭ’ പദ്ധതിയിൽ വൻ അഴിമതി നടന്നതായി ആരോപിച്ച് പഴകുളം മധു എംഎൽഎ സ്പീക്കർക്കു പരാതി നൽകി. പദ്ധതിയുടെ കരാറുകാരായ ഊരാളുങ്കൽ സഹകരണ സംഘം വരുത്തിയ ഗുരുതര വീഴ്ചകളെക്കുറിച്ചും ക്രമക്കേടുകളെക്കുറിച്ചും അന്വേഷണം വേണമെന്ന് പരാതിയിൽ ആവശ്യപ്പെട്ടു.
പദ്ധതി നടത്തിപ്പിൽ വലിയ കാലതാമസമാണ് ഉണ്ടായിരിക്കുന്നത്. നിരവധി ക്രമവിരുദ്ധ പ്രവർത്തനങ്ങളും കരാറുകാരുടെ ഭാഗത്തുനിന്നുണ്ടായി. വലിയ ആരോപണം ഉയർന്നുവന്നിട്ടും അതൊന്നും മുഖവിലയ്ക്കെടുക്കാതെ വീഴ്ചകളെല്ലാം ക്രമവത്കരിച്ചു നൽകിയത് അഴിമതിയാണെന്ന് പരാതിയിൽ പറയുന്നു.